धरणगाव : प्रतिनिधी
तालुक्यातील वराड बु. येथील महिला सरपंचास सासऱ्याने शासकीय जमिनीवर केलेले अतिक्रमण भोवले असून त्यांना सरपंचपद गमवावे लागले आहे.
वराड बु. येथील सरपंच चित्रा विजय पाटील यांच्याविरुद्ध सोमनाथ भरत पाटील (वराड बु.) यांनी दि. १६ जुलै २०२१ रोजी जिल्हाधिकारी यांच्याकडे तक्रारी अर्ज केला होता. चित्रा पाटील यांना दिनांक १६ फेब्रुवारी २०१२ रोजी अपात्र करण्यात आले होते. परंतु चित्रा विजय पाटील यांनी दिनांक १८ फेब्रुवारी २०१२ रोजी आयुक्तांकडे अपील दाखल केले होते. आयुक्तांनी या निकालाची बारकाईने चौकशी करून जिल्हाधिकाऱ्यांचा निर्णय कायम ठेवला आहे.
