मुंबई : वृत्तसंस्था
राज्यात नुकताच मनसेचा वर्धापन मोठ्या उत्साहात झाला यावेळी अध्यक्ष राज ठाकरे यांनी मनसे कार्यकर्त्यांचे आभार मानत राज्यातील सत्ताधारीपासून ते थेट विरोधकांना लक्ष केले होते. यावेळी त्यांनी उद्धव ठाकरे यांच्यावर देखील टीका केली होती. या टीकेला उत्तर लागलीच ठाकरे गटाचे अंबादास दानवे यांनी दिले आहे.
सत्ताधारी केंद्रातील भाजपला सुनावत मनसे नेते संदीप देशपांडे यांच्यावर हल्ला केल्याप्रकरणी थेट हल्ला चढवला. याचदरम्यान त्यांनी उद्धव ठाकरे यांना टार्गेट करत टीका केली. राज ठाकरे यांनी राजकारणात दिवस तेच राहत नाहीत ते बदलत असतात असं सांगत त्यांनी महाविकास आघाडी आणि उद्धव ठाकरे यांच्यावरही खोचकपणे टीका केली आहे. महाविकास आघाडी आणि शिवसेनेवर टीका करताना त्यांनी असे म्हटले की, माझ्या नादाला लागू नका, आता गेलं ना तुमचं मुख्यमंत्री पद म्हणत टीका केली. त्यावर विरोधी पक्षनेते अंबादास दानवे यांनी तिखट प्रतिक्रिया दिली. अंबादास दानवे यांनी राज ठाकरे यांच्यावर पलटवार करताना कावळ्याच्या शापाने गाय मरत नाही असं म्हटलं आहे. तसेच मनसे हा भाजपच्या दावणीला बांधला गेलेला आहे अशी ही टीका केली.
