मुंबई : वृत्तसंस्था
सध्या देशात लग्नाचा मोठा हंगाम सुरु आहे. अनेक लग्नाचे व्हिडीओ सोशल मिडीयावर वेगवेगळ्या रीतीने व्हायरल होत असतात असाच एक व्हिडीओ सध्या सोशल मिडीयावर तुफान व्हायरल होत आहे. या व्हिडीओत नवरदेव पाहुण्यांसमोर नववधूला उचलून घेतो आणि चांगलीच फजिती करुन घेताना दिसत आहे. नवरदेव खाली कोसळल्यानंतर तिथे उपस्थित पाहुण्यांनाही हसू आवरत नाही.
व्हिडीओत काय आहे?
व्हिडीओत दिसत आहे त्यानुसार, नवरदेव आपल्या लग्नातील क्षण कायमचा आठवणीत राहावा यासाठी नववधूला हातात उचलून घेत पायऱ्या उतरताना दिसत आहे. पण पायरीवर उतरत असतानाच नवरदेवाचा पाय घसरतो आणि नववधूला घेऊन तो धाडकन खाली कोसळतो. यानंतर तिथे उपस्थित पाहुणे हसू लागतात. पण नवरदेव मात्र नववधूला काही लागलं आहे का हे पाहतो.
मात्र यावेळी आपली फजिती झाली आहे हे लक्षात येताच नवरेदव प्रसंगावधान दाखवत तिच्या कपाळावर किस करतो. पाहुण्याचं लक्ष आपण पडलोय याकडे जाऊ नये यासाठी त्याचा हा प्रयत्न असावा. हा व्हिडीओ सोशल मीडियावर चांगलाच व्हायरल झाला आहे. लोकांनीही या व्हिडीओला पसंती दिली आहे. 2 लाखांहून अधिक लोकांनी हा व्हिडीओ पाहिला आहे.
