जळगाव : प्रतिनिधी
शहरातील एका परिसरात असलेले विकास दुध नावाची टपरी फोडल्याची घटना दि ६ रोजी घडली आहे. या टपरीतून ७ हजार ५०० रुपयांचा मुद्देमाल लंपास झाल्याने या प्रकरणी अनोळखी चोरट्याविरोधात गुन्हा दाखल करण्यात आला आहे.
मिळालेली माहिती अशी कि, शहरातील रामेश्वर कॉलनी परिसरातील महादेव मंदिरासमोर असलेली विकास दुधाचे टपरी सोनम रविद्र पाटील(वय २६) यांच्या मालकीची आहे. दि ६ ते ७ मार्च दरम्यान अनोळखी चोरट्यांनी हि दुधाच्या टपरीचे कुलूप तोडून त्यातील ६ हजाराची रोख रक्कम, १ हजार ५०० रुपयांची चिल्लरसह बिस्कीट व कुरकुरे लंपास केले आहे. या प्रकरणी सोनम पाटील यांनी दिलेल्या फिर्यादीवरून एमआयडीसी पोलिसात अनोळखी चोरट्याविरुद्ध गुन्हा दाखल करण्यात आला आहे. पुढील तपास पोना.श्रीकांत बदर हे करीत आहेत.
