अमळनेर : प्रतिनिधी
शहरातील एका रेसिडेन्सी मधील रहिवाशीचे बंद घराचा दरवाजाचे तोडत घरफोडी केल्याची घटना दि ७ रोजी सायंकाळी उघडकीस आली आहे. या प्रकरणी अमळनेर पोलिसात गुन्हा दाखल करण्यात आला आहे.
मिळालेली माहिती अशी कि, शहरातील भगवा चौकातील प्रभूरंग रेसिडेन्सी मधील २०४ नंबरमध्ये दीपक जगन्नाथ सूर्यवंशी (वय ४०) हे वास्तव्यास आहे. दि ७ रोजी दुपारी १२ ते ३ वाजेदरम्यान त्यांचा घरात अनोळखी चोरट्यांनी बंद घराचा दरवाजा तोडून प्रवेश करीत त्यांचे बेडरूममधील तसेच कपाटातील ५ तोळे २.५ ग्रामचे वजनाचे सोन्याचे दागिने तसेच रोख रक्कम रुपये ३४ हजार रुपये असा एकूण १ लाख ५२ हजार ४५० रुपयाची रोकड लंपास झाल्याची घटना घडली आहे. या प्रकरणी अमळनेर पोलिसात धाव घेत अनोळखी चोरट्याविरुद्ध गुन्हा दाखल करण्यात आला आहे. पुढील तपास पोउनी विकास शिरोळे हे करीत आहेत.
