पुणे : वृत्तसंस्था
लग्नाचे आमिष दाखवून एका तरुणीवर वारंवार शारीरिक संबंध ठेवून तिला जीवे मारण्याची धमकी दिल्याचा प्रकार उघडकीस आला आहे. हा प्रकार चिखली, आरोपीच्या मुळगावी अमरावती येथे नोव्हेंबर 2021 ते फेब्रुवारी 2023 या कालावधीत घडला आहे.
याबाबत 24 वर्षीय तरुणीने गुरुवारी (दि.2 मार्च) चिखली पोलीस ठाण्यात फिर्याद दिली आहे. त्यानुसार विकी वामन सोनटक्के (वय-30 रा. मुपो. मार्डी, ता. तिक्सा, जि. अमरावती) याच्यावर आयपीसी 376, 376 (2) (एन), 506 नुसार गुन्हा (FIR) दाखल केला आहे.
पोलिसांनी दिलेल्या माहितीनुसार, आरोपी आणि फिर्यादी हे एकमेकांच्या ओळखीचे आहेत. आरोपीने फिर्यादी यांना लग्नाचे खोटे आमिष दाखवून अमरावती, चिखली, लोणावळा अशा विविध ठिकाणी नेऊन अत्याचार केले. तसेच याबाबत कोणाला सांगितले तर तुझा जीव घ्यायला मला दोन मिनीटे पण लागणार नाहीत, तुला जागेवर गायब करील, घरच्यांना देखील मारून टाकीन अशी धमकी दिल्याचे फिर्यादीत नमूद केले आहे. पुढील तपास पोलीस करीत आहेत.
