चोपडा : प्रतिनिधी
तालुक्यातील एका गावातील २० वर्षीय तरुणीचा एकाने विनयभंग केल्याची धक्कादायक घटना उघडकीस आल्यानंतर तरुणीने चोपडा ग्रामीण पोलिसात धाव घेत एका विरोधात गुन्हा दाखल केला आहे.
मिळालेली माहिती अशी कि, तालुक्यातील एका गावात २० वर्षीय तरुणी शेतमजुरी करून आपल्या परिवारासोबत वास्तव्यास आहे. दि २८ फेब्रुवारी रोजी दुपारी १ वाजेच्या सुमारास संशयित आरोपी सखाराम बारेला हा तरुणीचा पाठलाग करून तिचा रस्ता अडवून तिला म्हणाला कि, मी तुला दीड लाख रुपये देतो तु माझी बायको होशील का ? असे विचारले असता तरुणीने त्याला सांगितले कि, मी तुझ्या मुलीच्या वयाची आहे असे बोलले असता संशयित आरोपी तरुणीस अश्लील भाषेत शिवीगाळ करीत व तरुणी घरी एकटी असतांना तिच्या सोबत चुकीचे कृत्य केल्या प्रकरणी चोपडा ग्रामीण पोलिसात तरुणीने धाव घेत संशयित आरोपी सखाराम बारेला याच्या विरोधात गुन्हा दाखल केला आहे. पुढील तपास पोना.शशिकांत पारधी हे करीत आहेत.
