जळगाव : प्रतिनिधी
शहरातील एका परिसरातील ६३ वर्षीय वृद्ध मेहरूण तलावात बुडून मृत्यू झाला. हा प्रकार गुरूवारी सकाळी सात वाजेच्या सुमारास उघडकीला आला. या प्रकरणी एमआयडीसी पोलिसात नोंद करण्यात आली आहे.
सविस्तर वृत्त असे कि, शहरातील एमआयडीसी परिसरातील जगवानी नगरातील बबन नामदेव पवार (वय ६३) असे मृत वृध्दाचे नाव आहे. पवार हे बुधवारी सायंकाळी बाहेर पडल्यानंतर गुरूवारी सकाळी सात वाजेच्या सुमारास मेहरूण तलाव येथे पोहण्यासाठी गेलेल्या काही वन्यजीव पथकातील काही सदस्यांना वृध्दाचा मृतदेह पाण्यात तरंगतांना आढळून आला. सुरूवातीला अनोळखी म्हणून पथकातील राजेश सोनवणे, रवींद्र भोई, अजीब काझी यांनी पोहणार्‍यांच्या मदतीने मृतदेह बाहेर काढला. एमआयडीसी पोलिस ठाण्याचे पोलीस कर्मचारी समाधान टहाकळे आणि विकास सातदिवे यांनी घटनास्थळी धाव घेवून पंचनामा केला. वयोवृद्धाच्या खिश्यातील कागदपत्राच्या आधारे त्यांची ओळखी पटली. या प्रकरणी एमआयडीसी पोलिसात अकस्मात मृत्यूची नोंद करण्यात आली. तपास पोलिस कर्मचारी समाधान टाहकळे करीत आहे.
