जळगाव : प्रतिनिधी
शहरातून जामनेर येथे जाणाऱ्या बसमध्ये महिला वाहकास एका तरुणाने अश्लील हातवारे करून विनयभंग केल्याचा प्रकार काशीनाथ चौफुलीजवळ घडला. याबाबत वाहक महिलेच्या तक्रारीवरून सोमवारी रात्री तरुणाविरुद्ध विनयभंगाचा गुन्हा दाखल झाला आहे.
मिळालेली माहिती अशी कि, जळगाव जामनेर एसटी बस ही सोमवारी सायंकाळी काशीनाथ चौफुलीजवळून जात होती. या बसमधील महिला वाहक ही तिकीट काढत होती. वाहक महिला एका तरुणाला “भाऊ तू तिकीट काढून घे’, असे म्हणाली. मात्र, त्या तरुणाने महिलेकडे पाहून अश्लील हातवारे केले. त्यानंतर मनास लज्जा उत्पन्न होईल, असे कृत्य केले. काही वेळानंतर वाहक महिलेने एमआयडीसी पोलिस ठाणे गाठून तरुणाविरुद्ध तक्रार दिली. त्यानुसार गुन्हा दाखल झाला आहे.
