एरंडोल : प्रतिनिधी
तालुक्यातील एका गावातील १८ वर्षीय मुलीचा सोमवारी नियोजित हळदीचा कार्यक्रम होता यासाठी वर पक्षातील काही नातेवाईक मुलीला घेण्यासाठी वधूच्या घरी आले असता. हळद लागण्याच्या वेळी हळद लागणार होती. मात्र सायंकाळी हळद लावण्याच्या वेळेसच तिची आई-वडिलांच्या घरूनच अंत्ययात्रा निघण्याचा दुर्दैवी प्रसंग ओढवला. तिच्या हातावरील मेहेंदी विवाहापूर्वीच क्रूर काळाने पुसून टाकली.
एरंडोल तालुक्यातील एका गावातील १८ वर्षीय युवतीचा विवाह मंगळवारी होणार होता. त्यामुळे घरामध्ये लगीनघाई व आनंदाचे वातावरण होते. सोमवारी तिला वरपक्षाकडील पाहुणे घेण्याकरिता सोमवारी सायंकाळी तिला हळद लागणार होती. त्याआधीच सकाळी ११ वाजेच्या सुमारास या नियोजित वधूने शेतातील विहिरीत उडी मारून आपली जीवनयात्रा संपवली. या प्रकारामुळे तिच्या आईवडिलांसह लग्नानिमित्त आलेल्या वऱ्हाडी मंडळींनी एकच हंबरडा फोडला. लग्नाच्या आनंदावर दुःखाचे विरजण पडल्यामुळे एकच शोककळा पसरली. विवाह समारंभासाठी सजलेल्या मंडपात दुःखदायी वातावरण निर्माण झाले. याबाबत एरंडोल पोलिस स्टेशनला अकस्मात मृत्यूची नोंद करण्यात आली असून, पुढील तपास पोलिस हेड कॉन्स्टेबल राजेश पाटील करीत आहे.
