धरणगाव : प्रतिनिधी
तालुक्यातील पिंप्री गावातून व्यापारी असलेल्या एका ३८ वर्षीय तरुणाची चारचाकी चोरट्यांनी लंपास केल्याची घटना घडली आहे. या प्रकरणी धरणगाव पोलिसात गुन्हा दाखल केला आहे.
सविस्तर वृत्त असे कि, धरणगाव तालुक्यातील पिंप्री येथील व्यापारी प्रशांत ईश्वर बच्छाव (वय ३८) यांच्या मालकीची चारचाकी क्र. एम.एच.०६.डब्ल्यू.६२०१ काळ्या रंगाची एकूण १ लाख ७५ हजार रुपये किमतीची दि २५ रोजी रात्रीच्या सुमारास एका बखळ जागेतून अनोळखी चोरट्यांनी चोरून नेली आहे. या प्रकरणी धरणगाव पोलिसात गुन्हा दाखल करण्यात आला असून पुढील तपास पोहेकॉ.राजेद्र कोळी हे करीत आहेत.
