जळगाव : प्रतिनिधी
शहरातील स्वामी विवेकानंद नगरातील राहत्या घरात उंचावरून पडल्याने गंभीर जखमी झालेल्या ४७ वर्षीय महिलेचा उपचारादरम्यान मृत्यू झाला आहे. याप्रकरणी शनिवारी दुपारी १ वाजता जिल्हापेठ पोलिस ठाण्यात अकस्मात मृत्यूची नोंद करण्यात आली आहे.
मिळालेली माहिती अशी कि, स्वामी विवेकानंद नगर परिसरात जयश्री गजेंद्र ओझा (वय ४७) या आपल्या परिवारासह वास्तव्याला होत्या. २३ फेब्रुवारी रोजी त्या घरकाम करीत असताना उंचावरून खाली पडल्या. यामध्ये त्यांच्या दोन्ही पायांना आणि कमरेला गंभीर दुखापत झाली व मोठ्या प्रमाणावर रक्तस्त्राव झाला होता. जखमी अवस्थेत त्यांच्या नातेवाइकांनी त्यांना जीएमसीत दाखल केले. त्यांच्यावर उपचार सुरू असताना शनिवारी सकाळी त्यांची प्राणज्योत मालवली.
