चोपडा : प्रतिनिधी
येथील चोपडा पीपल्स बँकेचे अध्यक्ष चंद्रहास नटवरलाल गुजराथी यांची नुकतीच चोपडा शेतकरी सहकारी साखर कारखान्याचे अध्यक्षपदी बिनविरोध निवड झाल्याबद्दल आज (दि २५) विधानसभा माजी अध्यक्ष अरुणभाई गुजराथी यांच्या निवासस्थानी जळगाव जिल्हा माजी बँकेचे अध्यक्ष तथा माजी पालकमंत्री गुलाबराव देवकर यांनी सत्कार केला.
यावेळी गुलाबराव देवकर यांनी जळगाव जिल्हा मध्यवर्ती सहकारी बँकेच्या वतीने चोपडा शेतकरी सहकारी साखर कारखान्यास योग्य ते सहकार्य केले जाईल, असे आश्वासन दिले.यावेळी राष्ट्रवादी काँग्रेसचे ज्येष्ठ नेते अरुणभाई गुजराथी, मजूर फेडरेशन संचालक राजेंद्र कोलते, राष्ट्रवादी सहकार विभागाचे जिल्हाध्यक्ष वाल्मीक पाटील, गुलाबराव पाटील आदी उपस्थित होते.
