जळगाव : प्रतिनिधी
शहरातील शिवाजी नगर परिसरात गिरणा नदी पात्रातून अवैधरित्या वाळूची वाहतूक करणारे ट्रॅक्टर जळगाव शहर पोलिसांनी पकडले आहे. या प्रकरणी शहर पोलीस स्थानकात एका विरोधात गुन्हा दाखल करण्यात आला आहे.
मिळालेली माहिती अशी कि, जळगाव शहरातील शिवाजी नगर परिसरातील उस्मानिया पार्क या भागात दि २५ फेब्रुवारी रोजी ट्रॅक्टरमध्ये दीड ब्रास वाळू असतांना वाळूची अवैधरित्या वाहतूक करीत असतांना शहर पोलिसांनी पकडले आहे. स्वराज कंपनीचे ट्रॅक्टर क्र.एम.एच.१९.बी.जी.००२७ असे ३ लाख रुपये किमतीचे तर यामध्ये दीड ब्रास वाळू सुमारे ३ हजार रुपये किमतीची असा एकूण ३ लाख ३ हजाराचा मुद्देमाल ताब्यात घेतला आहे. या प्रकरणी पोना. नरेंद्र ठाकरे यांच्या फिर्यादीवरून एका विरोधात गुन्हा दाखल करण्यात आला आहे. पुढील तपास पोना.राजकुमार चव्हाण हे करीत आहेत.
