जळगाव : प्रतिनिधी
जुन्या वादातून ३२ वर्षीय तरुणाला तीन जणांनी मारहाण करून त्याच्या गळ्यावर ब्लेडने वार करीत गंभीर जखमी केल्याची घटना रविवारी रात्री १०:४५ वाजेच्या सुमारास समतानगर येथे घडली. विकास मुकुंदा साळुंखे (३२, रा. धामणवाडा, समतानगर) असे जखमी तरुणाचे नाव असून, त्याच्या फिर्यादीवरून सोमवारी रामानंदनगर पोलिस ठाण्यात तिघांविरुध्द गुन्ह्याची नोंद करण्यात आली आहे.
विकास साळुंखे हा रात्री १०:३० वाजेच्या सुमारास घराकडे पायी निघाला होता. त्या वेळी ही घटना घडली. तिघांविरुध्द गुन्ह्याची नोंद करण्यात आली आहे.
