अमळनेर : प्रतिनिधी
शहरातील एका परिसरातील ३८ वर्षीय महिलेचा हात पकडून विनयभंग केल्याचा प्रकार उघडकीला आला आहे. या प्रकरणी अमळनेर पोलीस स्थानकात एकावर गुन्हा दाखल करण्यात आला आहे.
मिळालेली माहिती अशी कि, शहरातील पैलाड भागामध्ये एका ३८ वर्षीय महिलाही आपल्या परिवारासह रहायला आहे. १७ फेब्रुवारी रोजी सकाळी साडेदहा वाजेच्या सुमारास संशयित आरोपी नरेंद्र हिम्मतराव अहिरराव रा. तांबेपुरा ता. अमळनेर याने शाळेतून खिचडीचे सामान चोरत असताना महिलेने बघितले. याचा जाब विचारला असता त्याने महिलेला अश्लील शिवीगाळ करून तिच्या मनात लज्जा उत्पन्न होईल असे कृत्य करत तिचा विनयभंग केला. तर तिच्यासोबत असलेल्या एका बाईच्या कानशिलात मारून दुखापत केली. हा प्रकार घडल्यानंतर महिलांनी अमळनेर पोलीस ठाण्यात धाव घेऊन तक्रार दिली आहे. त्यांनी दिलेल्या तक्रारीवरून संशयित आरोपी नरेंद्र हिम्मतराव अहिरराव रा. तांबेपुरा ता. अमळनेर यांच्या विरोधात शुक्रवारी १७ फेब्रुवारी रोजी दुपारी २ वाजता गुन्हा दाखल करण्यात आला आहे. या घटनेबाबत पुढील तपास उपविभागीय पोलीस अधिकारी राकेश जाधव हे करीत आहेत.
