जळगाव : प्रतिनिधी
जळगाव शहरातील नगरसेविका असलेल्या महिलेला शिवीगाळ करीत विनयभंग केल्या प्रकरणी शहर पोलिसात गुन्हा दाखल करण्यात आला आहे.
मिळालेली माहिती अशी कि, शहरातील एका परिसरात नगरसेवक म्हणून कार्य करणाऱ्या ५३ वर्षीय महिलेला दि ११ फेब्रुवारी रोजी दुपारी १ वाजेच्या सुमारास एका मोबाईल नंबरहून फोन आला असता, त्या फोनमधून अनोखी इसमाने त्यांना अश्लील शिवीगाळ करीत मनास लज्जा उत्पन्न होईल असे बोलुन त्यांना जीवे ठार मारण्याची धमकी दिली आहे. याप्रकरणी जळगाव शहर पोलिसात नगरसेविका महिलेने धाव घेत त्या अनोळखी नंबर धारकांविरोधात गुन्हा दाखल केला आहे. या प्रकरणी पुढील तपास पोहेकॉ.ओमप्रकाश सोनी हे करीत आहेत.
