जळगाव : प्रतिनिधी
राज्याचे मुख्यमंत्री एकनाथ शिंदे यांच्या वाढदिवसानिमित्त बाळासाहेबाची शिवसेनेतर्फे जळगाव जिल्ह्यात आज विविध उपक्रम घेऊन साजरा करण्यात आले.
बाळासाहेबांची शिवसेना जिल्हाप्रमुख निलेश पाटील यांच्या नेतृत्वाखाली मुख्यमंत्री एकनाथ शिंदे यांना दीर्घायुष्य लाभो यासाठी गणपती मंदिर येथे महाआरती करण्यात आली. तसेच विविध ठिकाणी रक्तदान शिबिर घेण्यात आले. त्यानंतर रेल्वे मालधक्का येथे हमाल मजुरांना दररोज सकाळ व संध्याकाळ मोफत जेवणाचे वाटप करण्यात आले. तसेच बाळासाहेबांची शिवसेना आयोजित जिल्हास्तरीय शालेय डॉजबॉल स्पर्धा घेण्यात आली. यावेळी जि.पसदस्य प्रतापराव पाटील, विधानसभा संघटक शाम कोगटा, उपजिल्हा प्रमुख स्वप्नील परदेशी, उपमहानगरप्रमुख गिरीश सपकाळे, हितेश ठाकरे, सागर हिवरले, यश सोनवणे, चेतन कापसे, पुष्पक सुर्यवंशी, दिनेश सुवे, सागर सैदाने, राजू पटेल आदी उपस्थित होते.
