प्रतिनिधी(प्रवीण पाटील) तालुक्यातील वावडदा येथील पुलाचे बांधकाम सुरू असल्याने कच्च्या रस्त्याने वाहतूक सुरू होती मात्र आज सायंकाळी झालेल्या पावसामुळे रस्ताच वाहून गेल्यामुळे पाचोरा जळगाव रोडावर ची वाहतूक पूर्णपणे ठप्प झाली असल्याने नागरिकांचा खोळंबा निर्माण झाला आहे.
याबाबत मिळालेली माहिती अशी की आज सायंकाळी ७:३०सुमारास वावडदा परिसरात जोरदार झालेल्या पावसामुळे बिलखेडा शिवारात भालाआबा यांच्या शेताजवळील पुलाचे बांधकाम सुरू होते. त्याठिकाणी वाहतुकीसाठी साइडला कच्चा रस्ता तयार केलेला होता तो या जोरदार पाऊसामुळे वाहुन गेल्याने पाचोरा जळगाव वाहतूक ठप्प झाली आहे. यामुळें. नागरिकांची दोन्ही तालुक्यांमध्ये होणारी ये जा थांबली आहे.
