प्रतिनिधी(प्रवीण पाटील) येथील सुनिल जगदेव बोबडे वय वर्षे ४० याने मानसिक तणावातून १० रोजी विश प्राशन केल्याने त्याला उपचारासाठी जिल्हा वैद्यकीय महाविद्यालयात दाखल केले असता त्याचा आज उपचारादरम्यान मृत्यू झाला.
याबाबत सूत्रांनी दिलेली माहिती अशी की सुनिल जगदेव बोबडे नैराश्यातुन १०सप्टेंबर रोजी विष प्राशन केल्याने त्यांना विटनेर पोलिस पाटील डॉ.साहेबराव धुमाळ व नातेवाईक यांनी जिल्हा शासकीय रुग्णालयात दाखल केले होते अखेर २७सप्टेबरला रात्री १२वाजेनंतर त्यांची मृत्यूशी झुंज संपली.
सुनिल बोबडे यांचा काही वर्षांपूर्वी घटस्फोट झालेला होता त्याच्या पश्चात आई रुख्माबाई बोबडे मोठा भाऊ राजु बोबडे व एक लहान भाऊ असा परिवार आहे सुनिल बोबडे यांच्याकडे २एकर शेती आहे मात्र त्यांचेवर कोणतेही कर्ज नसल्याचे समजते.
सुनिल बोबडे यांच्या मृत्यूची औद्योगिक वसाहत पोलिस स्टेशन जळगाव येथे अकस्मात मृत्यूची नोंद झाली आहे पुढिल तपास पो.हे.कॉ.स्वपनिल पाटील व प्रदिप पाटील हे करीत आहेत.
