जामनेर : प्रतिनिधी
तालुक्यातील चिंचखेडे बुद्रुक येथे सोमवारी दुपारच्या सुमारास महिलेच्या झालेल्या हत्ये प्रकरणी पोलीसांनी संशयीत तरुणास मध्यरात्री अटक केली आहे. पोलीसांनी खुनाचा गुन्हा दाखल करुन विशाल नाना साबळे ( २३, चिंचखेडे बुद्रुक) याला आज अटक केली.
मिळालेली माहिती अशी कि, चिंचखेडे बुद्रुक येथील घरात महिलेचा मृतदेह रक्ताच्या थारोळ्यात पडला असल्याची माहिती पोलीस निरीक्षक किरण शिंदे यांना मिळताच ते तातडीने सहकाऱ्यांसह गावात दाखल झाले. घरातील स्वयंपाक गृहाजवळ महिला रक्ताच्या थारोळ्यात पडलेली होती. तिच्या डोक्यावर जखम झाल्याने मोठ्या प्रमाणात रक्तस्त्राव झाल्याने तीचा मृत्यु झाल्याचा पोलीसांना कयास आहे. हा प्रकार सोमवारी दुपारी चारचे सुमारास झाला असावा, असे पोलीसांनी सांगितले.
