धरणगाव : प्रतिनिधी
जळगाव जिल्ह्यातील बाळासाहेबांची शिवसेनेच्या (शिंदे गट) विविध कार्यकारिणी नुकतीच जाहीर करण्यात आली. यामध्ये मागासवर्गीय तालुका उपसंघटक पदी संजय पवार यांची निवड तर तालुका उपप्रमुखपदी धरणगाव येथील कॉलनी परिसरातील रहिवासी रवींद्र कडरे यांची निवड करण्यात आली असून त्यांच्या सत्कार राज्याचे पाणीपुरवठा व स्वच्छता मंत्री जळगाव जिल्ह्याचे पालकमंत्री गुलाबराव पाटील साहेब यांच्या हस्ते करण्यात आला.
रवींद्र कडरे व संजय पवार यांच्या प्रवेशामुळे धरणगाव तालुक्यासह व कॉलनी परिसरातील फार मोठा ग्रुप गुलाबराव पाटील साहेब यांच्यासोबत येणार असून भविष्यात होणाऱ्या निवडणुकांमध्ये याचा फार मोठा फायदा गुलाबराव पाटील साहेब यांना होणार आहे रवींद्र कडरे यांचे मागासवर्गीय समाजामध्ये चांगले प्रभुत्व असून संजय पवार यांचे कापसाच्या व्यापारामुळे अनेक शेतकऱ्यांशी जिव्हाळ्याचे संबंध आहेत येत्या 15 दिवसात धरणगाव शहर परिसरात राजकीय भूकंप होणार असल्याचे बाळासाहेबांची शिवसेनेचे प्रवक्ते पी एम पाटील साहेब त्यांनी सांगितले या दोघांच्या निवडीबद्दल जिल्हा प्रमुख निलेश पाटील,युवा नेते प्रतापराव पाटील,धरणगाव तालुका प्रमुख गजानन नाना पाटील,शेतकरी तालुका प्रमुख विनायक महाजन, मागासवर्ग जिल्हा प्रमुख मुकुंदभाऊ नन्नवरे, मुख्यमंत्री सहायता जिल्हा समन्वयक पप्पू भाऊ भावे,शहर प्रमुख विलासभाऊ महाजन व सर्व पदाधिकाऱ्यांनी अभिनंदन केले.
