जळगाव : प्रतिनिधी
शहरातील गेंदालाल मिल परिसरात घरफोडी झाल्याची घटना उघडकीस आली आहे. या प्रकरणी जळगाव शहर पोलिसात गुन्हा दाखल करण्यात आला आहे.
मिळालेली माहिती अशी कि, शहरातील भरवस्तीत असलेल्या गेंदालाल मिल परिसरातील बिल्डींग न.१७ रूम न.३० हे रंजना अशोक ठाकूर (वय ३४) यांच्या आईचे घर असून दि ४ शनिवार रोजी मध्यरात्रीच्या सुमारास अनोळखी चोरट्यांनी मागच्या दरवाजाच्या बंद दरवाजा तोडून घरात बेकायदेशीररित्या प्रवेश करीत घरफोडी केली. या घरफोडीमध्ये १६ हजार ७०० रुपयांचा ऐवज चोरी झाली आहे. या प्रकरणी जळगाव शहर पोलिसात गुन्हा दाखल करण्यात आला असून पुढील तपास पोहेकॉ.भास्कर ठाकरे हे करीत आहेत.
