लाईव्ह महाराष्ट्र न्यूज: जिल्हा परिषदेच्या कामांचा आढावा घेण्यासाठी पंचायत राज समिती सोमवारपासून तीन दिवसांच्या जिल्हा दौऱ्यावर आहे. दरम्यान विविध विभागांची माहिती या काळात घेतली जाणार असून ही समिती उद्या धरणगाव तालुक्यात भेट देणार आहे.
या समितीच्या धरणगाव भेटीदरम्यान समितीचे अध्यक्ष संजय रायमुलकर यांच्याकडे झुरखेडा ग्रामपंचायतीच्या तक्रारीचा अर्ज दाखल करण्यात आला असून यामुळे उद्याची पंचायत राज समितीची भेट नेमके कोणते वळण घेते यावर सर्वांचे लक्ष लागून राहिले आहे. दरम्यान, समितीने भेट दिल्यानंतर करण्यात आलेल्या तक्रारींची दखल समिती तर्फे घेतली जाईल की याकडे समितीचे दुर्लक्ष होईल यावर ग्रामपंचायत परिसरात चर्चांना उधाण आले आहे.
