धरणगाव : प्रतिनिधी
महसूल विभागाने महसूल कराच्या वसुलीचा दणका लावलेला असून ज्या मोबाईल टोवर्स कंपन्यांनी महसूल कर भरणा केलेला नाही अशा तालुक्यातील दोनगाव, लाडली, चोरगाव, मुसळी, बाभूळगाव येथील एकूण 7 टॉवर्स ला सील ठोकण्याची कारवाई आज दि २४ रोजी तहसीलदार नितीनकुमार देवरे यांचे मार्गदर्शनात करण्यात आली.
याकामी तालुक्यातील मंडळनिहाय पथके तयार करण्यात आले असून तलाठी व कोतवाल हे सदस्य आहेत. यानंतर ही महसूल वसुलीची, अकृषक कराची थकबाकी बाकी असणाऱ्या खातेदारांवर ही अशीच कारवाई केली जाईल त्यासाठी तात्काळ थकीत व चालू कर भरण्याचे आवाहन तहसीलदार नितीनकुमार देवरे यांनी केले आहे. यावेळी टॉवर सील करताना तलाठी राहुल ढेरंगे व मंडळ अधिकरी अविनाश पाटील उपस्थित होते.
