जळगाव : प्रतिनिधी
सोशल मिडीयाच्या माध्यमातून अनेक लोकांचे नंबर हे अनोळखी लोकांपर्यत गेलेले असता, ते याच संधीचा फायदा घेत पर्सनल लोन यासह क्रेडीट कार्ड यासारख्या विविध योजना दाखवून फोनवर बोलता बोलता जिल्ह्यातील एका तरुणाचे बँकेतील पैसे गायब झाले आहे. या प्रकरणी तरुणाने जळगाव शहरातील सायबर पोलिसात गुन्हा दाखल केला आहे.
मिळालेली माहिती अशी कि, अमळनेर तालुक्यातील मंगरूळ येथील रहिवासी असलेल्या २३ वर्षीय तरूण आपल्या परिवारासह सध्या पुणे येथील हिंजेवाडी येथे वास्तव्यास आहे. त्याला दि.१८ व १९ रोजी ८५३५०२६१५६ या नंबरवरून फोन येत तुम्हाला पर्सनल लोन व क्रेडीट कार्डची ऑफर असल्याचे भासवत त्याचा विश्वास संपादन करीत संशयित आरोपीने त्यांना त्याचा ओटीपीची विचारपूस करित त्यांच्या बँकेच्या खात्यातून तब्बल ७ लाख ६० हजार रुपये लंपास करीत त्या तरुणाची फसवणूक केली आहे. या प्रकरणी सायबर पोलीस स्थानकात गुन्हा दाखल करण्यात आला आहे. पुढील तपास पो.नी.लीलाधर कानडे हे करीत आहेत.
