अमळनेर प्रतिनिधी । अमळनेर तालुक्यातील पडसे गावाजवळ धावत्या रेल्वेच्या धक्का लागल्याने एका अनोळखी अंदाजे ३५ वर्षीय तरुणाचा जागीच मृत्यू झाल्याची घटना रविवार ९ जून रोजी सकाळी ८ वाजता सुमारास उघडकीला आले आहे. याबाबत दुपारी १ वाजता मारवड पोलीस ठाण्यात अकस्मात मृत्यूची नोंद करण्यात आली.
या संदर्भात अधिक माहिती अशी की, अमळनेर तालुक्यातील पडसे गावाजवळ असलेल्या रेल्वे रुळावरील रेल्वे खंबा क्रमांक ३३४ आणि २३४ च्या मध्ये असलेल्या रेल्वे रुळात एका अनोळखी अंदाजे ३५ वर्षे तरुणाचा मृतदेह आढळून आला. दरम्यान कोणत्यातरी धावत्या रेल्वेचा धक्का लागल्याने तरूणाचा त्याचा मृत्यू झाला असल्याचा अंदाज व्यक्त केला जात आहे. या संदर्भात लोको पायलट यांनी मारवड पोलिसात या घटनेबाबत खबर दिली. त्यानुसार मारवड पोलीस ठाण्याचे पोलीस हेडकॉन्स्टेबल शरीफ खान पठाण खान यांनी घटनास्थळी धाव घेऊन पंचनामा करून मृतदेह अमळनेर येथील ग्रामीण रुग्णालयात दाखल करण्यात आला. दरम्यान या प्रकरणी मारवड पोलीस ठाण्यात दुपारी १२ वाजता अकस्मात मृत्यूची नोंद करण्यात आली आहे. या घटनेचा पुढील तपास पोहेकॉ शरीफ खान पठाण हे करीत आहे.
