जळगाव प्रतिनिधी |जळगाव शहरातील मेस्को माता नगरात घरासमोर पार्कींगला लावलेली दुचाकीने अचानक पेट घेतल्याची घटना घडली आहे. याप्रकरणी गुरूवारी शनीपेठ पोलीस ठाण्यात अकस्मात आगीची नोंद करण्यात आली आहे.
शनीपेठ पोलीस ठाण्याच्या हद्दीतील मेस्को माता नगरात मयुर अनिल सोळंखे वय २४ रा. कोळनाव्ही ता. यावल ता तरूण वास्तव्याला आहे. २८ मे रोजी दुपारी २.३० वाजता त्यांची दुचाकी (एमएच १९ डीडब्ल्यू ६०१६) ही घरासमोर पार्कींगला लावलेली होती. घरासमोर उभी असलेल्या दुचाकीने अचानक पेट घेतला. या आगीत दुचाकी जळून खाक झाली आहे. आग लागल्याचे कारण समोर आलेले नाही. याप्रकरणी मयुर सोळंखी याने पोलीस ठाण्यात खबर दिली. त्यानुसार गुरूवारी ३० मे रोजी दुपारी दीड वाजता शनीपेठ पोलीस ठाण्यात अकस्मात आगीची नोंद करण्यात आली आहे. पुढील तपास पोहेकॉ अलताफ पठाण हे करीत आहे.
