भुसावळ प्रतिनिधी | भुसावळ शहरातील तापी पुलावर भरधाव कारने धडक दिल्याने दुसखेडा पेपर मिलचा कर्मचारी जखमी झाला व दुचाकीचे किरकोळ नुकसान झाले. हा अपघात शुक्रवार २४ मे रोजी सकाळी साडेआठ वाजेच्या सुमारास घडला. याप्रकरणी गुरूवारी ३० मे रोजी दुपारी १२ वाजता भुसावळ शहर पोलिसात कार चालकाविरोधात गुन्हा दाखलल करण्यात आला.
याबाबत अधिक माहिती अशी की, ओम उर्फ आकाश नंदकुमार पाटील (वय-32, दुसखेडा पेपर मिल, ता.यावल) या तरुणाच्या तक्रारीनुसार, शुक्रवार २४ मे रोजी तापी पुलावरून दुचाकीने जात असताना भरधाव कार (एम.एच.04 ई.एच.4708) वरील अज्ञात चालकाने रस्त्याच्या परिस्थितीकडे दुर्लक्ष करीत भराधाव वेगाने कार चालवून दुचाकीला धडक दिल्याने हाताच्या पंजाला व दोन्ही पायांच्या गुडघ्याला दुखापत झाली. तसेच त्यांच्या दुचाकीचे किरकोळ नुकसान झाले. याप्रकरणी गुरूवारी ३० मे रोजी दुपारी १२ वाजता भुसावळ शहर पोलीस ठाण्यात अज्ञात कार चालकाविरोधात गुन्हा दाखल करण्यात आला आहे. पुढील तपास हवालदार पराग सोनवणे करीत आहेत.
