जळगाव प्रतिनिधी । शिवकॉलनी परिसरातून वृध्द महिलेच्या गळ्यातील सव्वा लाखांची सोनसाखळी अज्ञात दोन जणांनी जबरी हिसकावून चोरून नेल्याची घटना घडली आहे. याप्रकरणी रामानंद नगर पोलीस ठाण्यात गुन्हा दाखल करण्यात आला आहे.
जळगाव शहरातील शिव कॉलनी परिसरात विनोद प्रभाकर बाविस्कर यांच्या वृध्द आई 26 मे रोजी रात्री 8 वाजता पायी जात असताना अज्ञात 2 जणांनी त्यांच्या गळ्यातील 1 लाख 30 हजार रुपये किमतीची सोन्याची चैन ओढून चोरून नेली. ही घटना घडल्यानंतर विनोद बाविस्कर यांनी बुधवार 29 मे रोजी दुपारी 3 वाजता रामानंदनगर पोलीस ठाण्यात धाव घेऊन तक्रार दिली. त्यानुसार अज्ञात दोन जण विरोधात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक कैलास दामोदरे हेकरीत आहे.
