जळगाव प्रतिनिधी । जळगाव शहर हे सुवर्णनगरी म्हणून ओळखले जाते. दरम्यान गेल्या आठवड्याच्या विश्रांतीनंतर आता सोन्यासह चांदीच्या दरात मोठी वाढ झाली आहे. गेल्या दोन महिन्यानंतर आता मे महिन्यात देखील सोन्याचे आणि चांदीचे भाव तेजीत आहे. चांदी एक लाखाकडे आगेकूच करत आहे. तर सोन्याने पण मोठी मजल मारली आहे.
जळगावात गेल्या आठवड्यात वाढल्यानंतर घसरलेले सोने, चांदीचे दर पुन्हा वाढत आहेत. सोमवारच्या तुलनेत मंगळवारी सोने ३०० रुपये तोळा तर चांदी किलोमागे २ हजार रुपयांनी महागली. ही दरवाढ इस्त्राइलने केलेल्या बॉम्बहल्ल्याचे पडसाद असल्याचे बोलले जात आहे. पुढील काही दिवसांमध्ये अजूनही काही प्रमाणात वाढ होण्याची शक्यता असल्याचे जाणकारांकडून सांगण्यात येत आहे. .
गेल्या आठवड्यात सोमवारी सोन्याचे प्रतितोळ्याचे दर ७४९०० (जीएसटीसह ७७१४७) तर चांदी ९२ हजार रुपये किलोवर गेली होती. मात्र, त्यानंतर घसरून सोमवारी चांदी ९१ हजार तर सोने ७२४०० रुपये तोळा झाले होते. मंगळवारी चांदी ९३ हजार (जीएसटीसह ९५७९०) रुपये किलो तर सोने ७२७०० रुपये तोळा झाले. ही दरवाढ इस्त्राइल हल्ल्याचा परिणाम असल्याचे चांदीचे घाऊक व्यापारी यांनी सांगितले.
सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येत आल्याचे पहायला मिळाले.
