जळगाव प्रतिनिधी । जळगाव तालुक्यातील ममुराबाद गावातील एका भागात राहणाऱ्या एका 21 वर्षीय तरुणीचे आक्षेपार्ह फोटो व व्हिडिओ व्हायरल करून बदनामी केल्याचा धक्कादायक प्रकार गुरुवारी 23 मे रोजी दुपारी 3.30 वाजता घडला आहे. याप्रकरणी शुक्रवारी 24 मे रोजी रात्री 10 वाजता जळगाव तालुका पोलिस ठाण्यात एकावर गुन्हा दाखल करण्यात आला आहे.
या संदर्भात अधिक माहिती अशी की, जळगाव तालुक्यातील ममुराबाद गावात 21 वर्षीय तरुणी ही आपल्या परिवारासह वास्तव्याला आहे. दरम्यान भडगाव तालुक्यातील महिंदळे येथील सागर खंडू पाटील याने तरुणीला फोन करून व्हिडिओ कॉल करण्यास सांगितले. त्यानंतर तरुणीचे आक्षेपार्ह व्हिडिओ करून तो तिच्या नातेवाईकांना व्हायरल करून तिची बदनामी केली. हा प्रकार गुरुवारी 23 मे रोजी दुपारी 3.30 वाजता घडल्यानंतर पीडित तरुणीने जळगाव तालुका पोलीस ठाण्यात धाव घेऊन सागर पाटील यांच्या विरोधात तक्रार दिली आहे. त्यानुसार शुक्रवारी 24 मे रोजी रात्री 10 वाजता जळगाव तालुका पोलीस ठाण्यात गुन्हा दाखल करण्यात आला आहे. पुढील तपास पोलीस निरीक्षक महेश शर्मा हे करीत आहे.
