धरणगाव : प्रतिनिधी ।
धरणगाव तालुक्यातील बांभोरी येथील हिताची कंपनीच्या आवारातून 7 हजार रुपये किमतीचे अल्युमिनियमचे 37 किलो मटेरियल आज्ञाच चोरट्याने चोरून नेल्याची घटना 28 एप्रिल रोजी मध्यरात्री 2 वाजता घडली आहे. याप्रकरणी चौकशी अंती गुरुवार 23 मे रोजी दुपारी 5 वाजता धरणगाव पोलीसात गुन्हा दाखल करण्यात आला आहे.
या संदर्भात अधिक माहिती अशी की, धरणगाव तालुक्यातील बांभोरी गावात हिताची या नावाची प्रायव्हेट कंपनी आहे. दरम्यान 28 एप्रिल रोजी मध्यरात्री 2 वाजेच्या सुमारास अज्ञात चोरट्यांनी या कंपनीच्या आवारात असलेले 7 हजार रुपये किमतीचे 37 किलो अल्युमिनियमचे मटेरियल चोरून नेले. ही घटना उघडकीला आल्यानंतर चौकशी अंती अखेर गुरुवारी 23 मे रोजी सायंकाळी 5 वाजता धरणगाव पोलिसात अज्ञात चोरट्यांवर गुन्हा दाखल करण्यात आला आहे. या घटनेच्या पुढील तपास पोलीस हेड कॉन्स्टेबल गजानन महाजन हे करीत आहे.
