उत्तरप्रदेश मधून एक धक्कादायक बातमी समोर आली आहे. तोंडाने फुगा फुगवणाऱ्या सहा वर्षीय मुलीचा फुगा फुगवताना मुत्यू झाल्याची घटना घडली आहे. हि घटना उत्तरप्रदेश मधील उन्नाव जिल्ह्यात मौरवान पोलीस स्टेशन हद्दीतील मोतीखेडा गावात घडली या घटनेनं मुलीच्या आई वडिलांवर शोककळा पसरली आहे.
याबाबत सविस्तर माहिती अशी कि, उत्तरप्रदेश मधील उन्नाव जिल्ह्यात मौरवान पोलीस स्टेशन हद्दीतील मोतीखेडा गावात देवदत्त हे आपल्या परिवारासह मोतीखेडा गावात वास्तव्यास आहे यांची मुलगी अभिलाषा हिचे काका मोहितकुमार यांच्या घरी हळदीचा कार्यक्रम होता. सगळीकडे आनंदाचे उत्साहाचे वातावरण होते. पण या आनंदावर मात्र दुःखाचे विरजण पडेल याची जराही कल्पना कोणालाच न्हवती. अभिलाषा घरात फुग्यांसोबत खेळत होती फुगा फुगवत असताना फुग्याचा काही भाग अभिलाषाच्या तोंडात राहिला ती फुगा गिळण्याचा प्रयत्नात असताना तो तिच्या घशात अडकला त्यानंतर तिला श्वास घेण्यास त्रास होऊ लागला.
यानंतर तिच्या घरच्यांनी तिला उपचारासाठी खासगी रुग्णालयात नेले.परंतु डॉक्टरांनी तिला मृत घोषित केले. सहा वर्षीय मुलीच्या मृत्यूने तिच्या आईवडिलांवर दुःखाचा डोंगर कोसळला आहे.
