जळगाव : पंडित मिश्रा यांच्या शिवमहापुराण कथेला आजपासून म्हणजेच ५ डिसेंबरपासून कानळदा रोडवरील वडनगरी फाट्यावर करण्यात आले आहे. आज कथेचा पहिलाच दिवस असून शिव महापुराण कथा आज पहिल्याच दिवशी प्रचंड प्रमाणात यशस्वी झाल्याचे दिसून आले. पंडित प्रदीपजी मिश्रा यांच्या कथेला आज लक्षावधी भाविकांनी हजेरी लावली. मात्र याठिकाणी चोरट्यांनी संधी साधत भाविक महिलांच्या सोन्याच्या पोत चोरी केल्याप्रकरणी मध्यप्रदेशातील एकूण २७ संशयित महिलांना स्थानिक गुन्हे शाखेकडून पकडून पोलीस स्टेशनला आणण्यात आले आहे.
सूत्राने दिलेल्या माहितीनुसार, आजपासून सुरु झालेल्या शिवमहापुराण कथेसाठी दोन हजारपेक्षा अधिक पोलिसांचा बंदोबस्त लावण्यात आलेला असून वाहतूक सुरळीत करण्यासाठी पोलिसांची मोठी तारांबळ उडत आहे. मात्र याठिकाणी चोरट्यांनी संधी साधत भाविक महिलांच्या सोन्याच्या पोत चोरी केल्याप्रकरणी मध्यप्रदेशातील एकूण २७ संशयित महिलांना स्थानिक गुन्हे शाखेकडून पकडून पोलीस स्टेशनला आणण्यात आले आहे.
तीन भाविक महिलांच्या ३९५ नुसार तक्रारी घेण्यात आल्या असून अजून काही महिला तक्रार देत आहेत. दरम्यान, पोत चोरणाऱ्या एकूण २७ संशयित महिला असून त्या सर्व मध्यप्रदेशातील इंदोर, सेंधवा तसेच इतर गावातील असल्याची माहिती पोलिसांकडून प्राप्त होत आहे. याप्रकरणी तालुका पोलीस स्टेशनला महिला भाविकांची गर्दी झालेली दिसून आली.
