पुणे : वृत्तसंस्था
राज्यातील अपघाताच्या घटना नियमित घडत असतांना आणखी एक थरारक घटना पुणे शहरातील पुणे सातारा रोडवर घडलीय. अल्पवयीन मुलांनी घरच्यांना न सांगता गाडी पळवून ४-५ वाहनांना उडवल्याचे उघडकीस आले आहे. घटनेने एकच खळबळ उडाली असून संतप्त नागरिकांनी या अल्पवयीन मुलांना चोपही दिला.
मिळालेल्या माहितीनुसार, अल्पवयीन मुलाने घरच्यांचा डोळा चुकवून चारचाकी चालवून अपघात केल्याचा धक्कादायक प्रकार पुण्यात घडला. शहरातील सातारा रोडवर ही घटना घडली असून या अल्पवयीन मुलाने ४- ५ वाहनांना उडवले. भावाला न सांगता अल्पवयीन मुले गाडी घेऊन रस्त्यावरती आले होते आणि त्यांच्याकडून हा सगळा प्रकार घडला. अपघाताच्या या घटनेनंतर परिसरातील नागरिकांनी या मुलांना पकडून चांगला चोप दिला. या घटनेने परिसरात एकच खळबळ उडाली आहे.
