आजकाल अपघाताचे प्रमाण खूप वाढले असून अपघातात मृत होणाऱ्यांचे प्रमाण हि वाढले आहे. अशातच समृद्धी महामार्गावर पुन्हा अपघात झाल्याची बातमी समोर येत आहे. कार समोरील टायर फुटून रात्री ११ च्या सुमारास हा अपघात झाला. या भीषण अपघातात दोघांचा जागीच मृत्यू झाला असून दोन जण गंभीर झाल्याची घटना घडली आहे.
सूत्राने दिलेल्या माहितीनुसार, कौस्तुभ मुडे व अंकित गडकरी हे दोघे त्यांच्या दोन मित्रांसह पुण्याहून वर्ध्याला कारने जात असताना समृध्दी महामार्गावर कारंजालगत कारचा समोरचा टायर फुटल्याने हा अपघात झाला. तर संदेश गावंडे, कार्तिक निपुडे हे दोघे गंभीर जखमी झाले आहे. अपघातग्रस्तांना तात्काळ कारंजा येथील उपजिल्हा रुग्णालयात दाखल करण्यात आले.
