कानपुर मधून एक धक्कादायक बातमी समोर आली आहे. दोन तरुणांना रेल्वे ट्रॅकवर बसून गाणे ऐकणे दोन युवकांना खूप महागात पडले. समोरून रेल्वे आल्याने रेल्वेची जोरदार धडक या दोन युवकांना बसली. या भीषण धडकेत या दोन तरुणांचा जागीच मृत्यू झाल्याची घटना घडली आहे. या दोघांचे मृतदेह ताब्यात घेऊन शवविच्छेदन केले.
याबाबत सविस्तर माहिती अशी कि, हे दोघही तरुण अग्निवीरची तयारीत करत होते. दरम्यान हे रोज सकाळी व्यायाम करण्यासाठी रेल्वे ट्रॅकजवळ जात होते. नेहमीप्रमाणे हे शनिवारी देखील गेले. मात्र, हेडफोन घालून रेल्वे ट्रॅकवर बसले होते याचवेळी आर्मीची मेडिकल ट्रेन समोरून आली आणि त्यांना धडक दिली. या धडकेत दोघेही रेल्वेखाली चिरडले गेले आणि दोघांचा जागीच मृत्यू झाला.
या दोघांचे मृतदेह ताब्यात घेऊन शवविच्छेदन केले. हे युवक शाहपुर गाव येथील रहिवाशी होते. या घटनेनंतर गावात शोककळा पसरली आहे.
