पनवेल मधून एक धक्कादायक बातमी समोर येतेय. घरात खेळता खेळता पाण्याने भरलेल्या बादलीत पडून १० महिन्यांच्या बाळाचा मृत्यू झाल्याची घटना घडली आहे. आशिक अल इमान असे मयत बाळाचे नाव आहे.
याबाबत सविस्तर माहिती अशी कि, आशिक हा घरात खेळत असताना खेळता खेळता तो बाथरूममध्ये गेला याचवेळी पाण्याने भरलेल्या बादलीत पडला. आशिक कुठे दिसत नसल्याने त्याचा शोध घेतला आणि तो बाथरूममध्ये प्लास्टिकच्या बादलीत डोके उलथून पडलेला आढळून आला. तात्काळ आशिकच्या आईने घडलेली घटना आशिकच्या वडिलांना फोनवर सांगितली.
वडिलांनी तात्काळ घराकडे धाव घेऊन आशिकला दवाखान्यात दाखल केले तिथे डॉक्टरांनी आशिकला तपासून मृत घोषित केले. हि घटना पनवेलमधील पळस्पे गावात रविवारी दुपारी घडली.
