अहमदनगर मधून एक धक्कादायक बातमी समोर आली आहे. एसटी बसच्या चाकाखाली आल्याने एका नऊ वर्षीय बालकाचा मृत्यू झाल्याची घटना घडली आहे. मळेगाव येथील शेवगाव नगर येथे हि घटना घडली आहे.
सूत्राने दिलेल्या माहितीनुसार, श्लोक गणेश वनवे हा नऊ वर्षीय बालक घराकडून मळेगाव गावाकडे सायकलवर जात असताना याच्यासमोरून एक रिक्षा जात होती. तेव्हा श्लोक हा रिक्षाला ओव्हरटेक करून पुढे जाण्याचा प्रयत्नात होता याचवेळी अचानक समोरून राहुरीच्या दिशेने जाणारी शेवगाव राहुरी बस आली. दरम्यान बस चालकाला अंदाज न आल्याने श्लोकची सायकल बसच्या पुढच्या चाकाला धडकली यामुळे तो खाली पडला या धडकेत श्लोकचे डोके बसच्या चाकाखाली आले आणि त्याचा करुण अंत झाला.
श्लोक गणेश वनवे असे मयत मुलाचे नाव आहे. श्लोकच्या जाण्याने वनवे कुटुंबावर दुःखाचा डोंगर कोसळला आहे.
