अपघाताचे प्रमाण वाढले असून अपघातात मृत होणाऱ्यांचे प्रमाण ही वाढले आहे. अशातच एका भीषण अपघाताची बातमी समोर आली आहे. कर्जत किरवली ब्रिज वरून इनोव्हा कार रेल्वे ट्रॅकवरून खाली कोसळली. दरम्यान समोरून येणाऱ्या मालगाडीची कारला धडक बसल्याने कारमधील तिघांचा जागीच मृत्यू झाला. तर दोघे जण गंभीर जखमी झाले आहेत.
याबाबत सविस्तर महिती अशी कि, ही कार कर्जत येथून नेरळच्या दिशेने जात असतांना ही कार कर्जत ते नेरळच्या दरम्यान असलेल्या किरवली पुलावर आल्यावर कारचालकाचे कारवरील नियंत्रण अचानक सुटले. आणि ही कार ब्रिजवरून खाली असलेल्या पनवेल कर्जत रेल्वे मार्गावर कोसळली. मात्र त्याच वेळी तेथून एक मालगाडी जात होती.
त्या मालगाडीची कारला जोरात धडक बसली आणि हा भयंकर अपघात झाला. या अपघातात तिघांचा मृत्यू झाला झाला असून तर दोन जण गंभीर जखमी झाले आहेत. हि घटना मंगळवारी पहाटे चार वाजेच्या दरम्यान घडली. जखमींना एम जी एम रुग्णालया मध्ये उपचार सुरू आहेत.
