राजस्थान मधून एक धक्कादायक बातमी समोर येतेय. बस पुलावरुन रेल्वे ट्रॅकवर कोसळल्याची घटना घडली आहे. या अपघातात ४ प्रवाशांचा मृत्यू झाला असून ४० हून अधिक प्रवासी गंभीर जखमी झाल्याची घटना घडली आहे. राष्ट्रीय महामार्ग 21 वर हा अपघात झाला आहे.
याबाबत सविस्तर माहिती अशी कि, प्रवाशांनी भरलेली हि बस हरिद्वारहून जयपूरच्या दिशेने जात होती दरम्यान बसवरील चालकाचे नियंत्रण सुटले आणि त्यामुळे बस लोखंडी रेलिंग तोडून कल्व्हर्टवरून खाली पडली. जयपूर दिल्ली रेल्वे मार्गावर बस थेट रुळावर पडली. या घटनेची माहिती मिळताच पोलीस घटनास्थळी दाखल झाले व लगेचच बचावकार्य सुरू करण्यात आले. हि घटना रविवारी मध्यरात्री 2.15 च्या सुमारास घडली. या अपघातात गंभीर जखमी झालेल्या प्रवाशांना उपचारासाठी जवळच्या रुग्णालयात दाखल करण्यात आले असून त्यांच्यावर उपचार सुरु आहेत.
