दहावी आणि बारावीच्या विद्यार्थ्यांसाठी एक महत्वाची बातमी समोर येतेय. महाराष्ट्र राज्य माध्यमिक आणि उच्च माध्यमिक शिक्षण मंडळाकडून घेण्यात येणाऱ्या दहावी आणि बारावीच्या परीक्षांच्या तारखा जाहीर करण्यात आल्या आहेत. इयत्ता दहावी आणि बारावीच्या लेखी परीक्षांचे अंतिम वेळापत्रक जाहीर केले आहे. त्यानुसार इयत्ता बारावीच्या परीक्षा 21 फेब्रुवारी ते १९ मार्च या कालावधीत तर इयत्ता दहावीची परीक्षा एक ते 26 मार्च या कालावधीत होणार आहेत.
परीक्षेचे सविस्तर वेळापत्रक या मंडळाच्या www.mahasscboard.in या संकेतस्थळावर पाहता येईल अशी माहिती राज्य मंडळाच्या सचिव अनुराधा ओक यांनी बुधवारी जाहीर केली. इयत्ता बारावी सर्वसाधारण व्यवसाय व द्विलक्षी अभ्यासक्रम 21 फेब्रुवारी ते 19 मार्च. माहिती तंत्रज्ञान व सामान्य ज्ञान विषयांची ऑनलाइन परीक्षा इयत्ता बारावी 20 मार्च ते 23 मार्च इयत्ता दहावी एक मार्च ते 26 मार्च या कालावधीत होणार आहेत.
