डोबिंवली मधून एक मन सुन्न करणारी बातमी समोर येतेय. पाच वर्षीय मुलाचा प्ले झोनमध्ये खेळत असताना खाली पडून मृत्यू झाल्याची घटना घडली आहे. सक्षम उंडे असे मयत मुलाचे नाव आहे.
सूत्राने दिलेल्या माहितीनुसार, भरत उंडे हे आपल्या परिवारासह मानपाडा परिसरात रीजन्सी अनंत या हायप्रोफाईल सोसायटीमध्ये राहतात सक्षम हा या कॉम्प्लेक्सच्या क्लब हाऊसमधील संध्याकाळच्या सुमारास प्लेझोन मध्ये खेळण्यासाठी गेला होता. प्ले झोनमध्ये खेळत असताना तो अचानक खाली पडला. तिथे काम करणाऱ्या कामगारांचे त्याच्याकडे लक्ष गेल्याने त्यांनी सक्षमला तात्काळ रुग्णालयात पण यापूर्वीच त्याचा मृत्यू झाला होता. या घटनेने भरत उंडे यांच्यावर दुःखाचा डोंगर कोसळला असून सर्वत्र हळहळ व्यक्त केली जात आहे.
