आजकाल अपघाताचे प्रमाण वाढले असून अपघातात मृत होणाऱ्यांचे प्रमाण सुद्धा वाढले आहे. अशातच गोंदिया मधून एका अपघाताची बातमी समोर आली आहे. ट्रक ने कामासाठी उभ्या असलेल्या ट्रक ला जोरदार धडक दिली या भीषण अपघातात तिघांचा जागीच मृत्यू झाला असल्याची घटना घडली आहे.
सूत्राने दिलेल्या माहितीनुसार, गोंदिया जिल्ह्यातील देवरी शहराजवळ असलेल्या धोगीसराड गावाजवळ एक ट्रकमध्ये बिगाड झाल्याने दुरुस्तीसाठी महामार्गाच्या साईडला थांबून होता. रात्रीच्या वेळी या ट्रकची दुरूस्ती सुरू होती. याच दरम्यान रायपुरकडे जाणाऱ्या ट्रकने उभ्या असलेल्या ट्रकला पाठीमागून जोरदार धडक दिली. या अपघातात तिघांचा जागीच मृत्यू झाला.
या अपघाताची माहिती मिळताच स्थानिकांसह देवरी पोलिसांनी घटानास्थळी धाव घेतली.या भीषण घटनेने सर्वत्र हळहळ व्यक्त केली जात आहे.
