आंध्र प्रदेशातील विजयनगरमध्ये एक धक्कादायक घटना घडली आहे . आंध्र प्रदेशातील विजयनगरमध्ये दोन पॅसेंजर ट्रेनची धडक झाली आहे. या घटनेत तब्ब्ल दहा प्रवाशांचा मृत्यू झाला असून दहा प्रवासी गंभीर जखमी झाले आहेत. अद्याप तेथे बचावकार्य सुरु आहे.
याबाबत सविस्तर माहिती अशी कि, विशाखापट्टनम- रायगडा पॅसेंजर ट्रेन रुळावर उभी होती. त्याचवेळेला मागून येणाऱ्या विशाखापट्टनम-पलासा पॅसेंजरने उभ्या असलेल्या ट्रेनला जोरदार धडक दिली. यामुळे पॅसेंजरचे तीन डबे रुळावरून खाली उतरले. या अपघातात पॅसेंजरच्या तीन डब्यांचं मोठं नुकसान झाल आहे. या भीषण अपघातात दहा प्रवाशांचा मृत्यू झाला असून दहा प्रवासी गंभीर जखमी झाले आहेत.
याठिकाणी बचावकार्य सुरु आहे. दोन्ही ट्रेनमध्ये फसलेल्या लोकांना बाहेर काढण्याचं काम सुरू आहे. या दुर्घटनेवर पंतप्रधान नरेंद्र मोदी यांनी दु:ख व्यक्त केलं आहे.
