भंडारा मधून एक धक्कादायक बातमी समोर आली आहे. एका १४ महिन्यांच्या चिमुकल्याचा अंगणातील पाण्याच्या टाकीत बुडून मृत्यू झाल्याची घटना घडली आहे. दरम्यान या घटनेमुळे सर्वत्र हळहळ व्यक्त केली जात आहे.
याबाबत सविस्तर माहिती अशी कि, अदिक अतुल शहारे असे १४ महिन्यांच्या असे मयताचे नाव आहे. अदिकची आई घरकामात असताना त्यांनी अदिकला शेजाऱ्यांच्या घरी नेले होते. आणि आदिकचे वडील कामासाठी बाहेर होते. घराशेजारील असलेल्या घराकडून अदिक खेळत-खेळत आपल्या घराकडे आला. खेळता खेळता आदिक हा अंगणातील पाण्याच्या टाकीजवळ गेला. दरम्यान टाकीचे झाकण उघडे असल्याने त्याचा पाय घसरून बुडून मृत्यू झाला.
यानंतर अदिकचे वडील घरी आल्यानंतर शेजारच्यांना अदिक कुठे आहे असे विचारले यावर आदिक घराकडे गेला असे शेजारच्यांकडून सांगण्यात आले. आदिक कुठेही दिसून न आल्यामुळे आदिकच्या वडिलांनी आदिकचा सर्वत्र शोध घेतला. दरम्यान, त्यांनी पाण्याच्या टाकीत डोकावून बघितलं असता. अदिक हा तरंगताना दिसून आला. त्याला तातडीने बाहेर काढून रुग्णालयात दाखल करण्यात आलं. मात्र, रुग्णालयात जाण्यापूर्वीच अदिकचा मृत्यू झाला होता. या घटनेनं आदिकच्या कुटुंबियांवर दुःखाचा डोंगर कोसळला आहे.
