एक मोठी बातमी समोर येतेय. प्रसिध्द कीर्तनकार बाबा महाराज सातारकर याचं निधन झालं आहे. नवी मुंबईतील नेरुळ येथील निवासस्थानी त्यांनी अखेरचा श्वास घेतला. महाराष्ट्राच्या गावागावात त्याचं किर्तन ऐकलं जात होतं, महाराष्ट्राच्या खेडोपाड्यापर्यंत त्यांचं नाव घेतलं जात.
याबाबत सविस्तर माहिती अशी कि, गेल्या काही दिवसांपासून ते आजारी होते. वयाच्या ८९व्या वर्षी त्यांनी नवी मुंबईतील नेरुळ येथील निवासस्थानी अखेरचा श्वास घेतला. बाबा महाराज सातारकर यांचं पार्थिव आज दुपारी ३ वाजेनंतर अंतिम दर्शनासाठी नेरूळ जिमखाना समोर असलेल्या विठ्ठल रुक्मिणी मंदिरात ठेवण्यात येणार आहे.
बाबा महाराज सातारकर यांच्या पार्थिवावर उद्या म्हणजेच २७ ऑक्टोबर रोजी संध्याकाळी 5 वाजता नेरुळ येथे अंत्यसंस्कार होणार आहेत. प्रसिध्द कीर्तनकार बाबा महाराज सातारकर यांच्या निधनाने वारकरी सांप्रदायावर शोककळा पसरली आहे.
