झारखंड मधून एक धक्कादायक बातमी समोर येतेय एक भरधाव कार पुलावरून थेट कालव्यामध्ये कोसळली. या भीषण अपघातात एकाच कुटुंबातील पाच जणांचा दुर्देवी मृत्यू झाल्याची घटना घडली आहे.
याबाबत सविस्तर माहिती अशी कि, हे कुटुंबीय मुलाचे विधी पूर्ण करून हे कुटुंब सासरच्या घरातून गिरीडीह येथील घराकडे जात होते. याचवेळी चालकाचे कारवरील नियंत्रण सुटल्याने अपघात झाला. पुलावरील संरक्षण भिंत तोडत कार कालव्यामध्ये कोसळली. या भीषण अपघातात एकाच कुटुंबातील पाच जणांचा जागीच मृत्यू झाला.
या अपघाताची माहिती मिळताच पोलिसांनी घटनास्थळी धाव घेतली. स्थानिक ग्रामस्थांच्या मदतीने त्यांनी कार कालव्याबाहेर काढली. या अपघाताचा तपास झारखंड पोलिसांकडून सुरू आहे.
