बॉलिवूड मधून एक धक्कादायक बातमी समोर येत आहे. प्रसिद्ध अभिनेते कुंद्रा जॉनी यांचे निधन झाले आहे. केरळमधील कोल्लम येथे एका खाजगी रुग्णालयात अखेरचा श्वास घेतला. यामुळे साऊथ सिनेसृष्टीला शोककळा पसरली आहे.
याबाबत अधिक माहिती अशी कि, मंगळवारी अभिनेते कुंद्रा जॉनी यांना हृदयविकाराचा तीव्र झटका आला यानंतर त्यांना लगेचच एका खासगी रुग्णालयामध्ये दाखल करण्यात आले होते. मात्र उपचारादरम्यान त्यांची प्राणज्योत मालवली. त्यांच्या निधनामुळे बॉलिवूड मध्ये शोककळा पसरली असून त्यांचे चाहते आणि कलाकार सोशल मीडियावर पोस्ट शेअर करत त्यांना श्रद्धांजली वाहत आहेत.
प्रसिद्ध अभिनेते कुंद्रा जॉनी यांनी अनेक चित्रपटांमध्ये खलनायकाची भुमिका साकारुन मल्याळम चित्रपटांमध्ये आपला ठसा उमटवला. तसेच त्यांनी ’15 ऑगस्ट’, ‘हॅलो’, ‘अवन चंदियुदे माकन’, ‘भार्गवचरितम मुन्नम खंडम’ या चित्रपटांमध्ये त्यांनी अभिनय केला होता. किरीदम, चेनकोल, वाहकाई चक्रम आणि नदीगन या ब्लॉकबस्टर चित्रपटातील त्यांच्या भुमिकेचे खुप कौतुक करण्यात आले होते.
